ຜູ້ຈັດການຝ່າຍປະຕິບັດງານແຜນງານ
Program Operations Manager
ໜ້າວຽກຫຼັກ:
ຜູ້ຈັດການຝ່າຍປະຕິບັດງານແຜນງານ ມີໜ້າທີ່ຮັບຜິດຊອບໃນການບໍລິຫານໂດຍລວມ ຂອງ ກິດຈະກຳທຸກຢ່າງ ຂອງ ສະຫະພັນ ກິລາຣັກບີ້ແຫ່ງຊາດລາວ,
ເຊິ່ງລວມມີການພັດທະນານັກກິລາໄວໜຸ່ມ, ການພັດທະນານັກກິລາອາວຸໂສ ແລະ ການຜັນຂະຫຍາຍ ແລະ ເຜີຍແຜ່ກິດຈະກຳກລົງໄປສູ່ຊຸມຊົນຕ່າງໆ.
ຜູ້ຈັດການຝ່າຍປະຕິບັດງານແຜນງານ ມີໜ້າທີ່ຮັບຜິດຊອບ ແລະ ຮັບປະກັນທຸກໆກິດຈະກຳ ຂອງ ການພັດທະນາກິລາຣັກບີ້ ແມ່ນໃຫ້ມີຈຳນວນເພດຍິງເຂົ້າຮ່ວມກິດຈະກຳຢ່າງໜ້ອຍ 50 ສ່ວນຮ້ອຍ.
ສາຍຕັ້ງການລາຍງານ/ຜູ້ກ່ຽວຂ້ອງ
ຜູ້ຈັດການປະຕິບັດງານແຜນງານ ແມ່ນໃຫ້ລາຍງານ ຫາ ຜູ້ອຳນວຍການຝ່າຍປະຕິບັດງານ ແລະ ການການເງິນ.
ຜູ້ຈັດການການປະຕິບັດງານແຜນງານ ມີໜ້າທີຮັບຜິດຊອບໃນການບໍລິຫານວຽກປະຈຳວັນ ຂອງ ທີ່ປຶກສາດ້ານເຕັກນິກ, ພະນັກງານບໍລິຫານໂຄງການ, ຜູ້ປະສານງານພັດທະນາຣັກບີ້ ຂອງ ແຂວງຊຽງຂວາງ ແລະ ຜູ້ປະສານງານຣັກບີ້ ຂອງ ແຂວງວຽງຈັນ.
ຜູ້ຈັດການການປະຕິບັດງານແຜນງານ ແມ່ນເຮັດວຽກໄກ້ຊິດກັບອົງການຊາຍຟັນ, ຄູ່ຮ່ວມງານ ແລະ ທີ່ປຶກສາພັດທະນາທຸລະກິດ ເພື່ອຮັບປະກັນຄູ່ຮ່ວມງານຈະໄດ້ຮັບຂໍ້ມູນຂ່າວສານລ້າສຸດ, ບົດລາຍງານ ແລະ ຄວາມໂປ່ງໃສ ຂອງໂຄງການ, ການບໍລິຫານກິດຈະກຳ ແລະ ການຈັດງານຕ່າງໆ
ແລະ ດ້ານເຕັກນິກ.ອາດມີການຮຽກຮ້ອງໃຫ້ມີການສະໜັບສະໜູນດ້ານບໍລິຫານທີ່ປຶກສາຕ່າງໆ.
ຄວາມຮັບຜິດຊອບ
ຕໍາແຫນ່ງນີ້ ມີຫນ້າທີ່ຄວາມຮັບຜິດຊອບດັ່ງນີ້:
ການລາຍງານ
ການງານແຜນ, ລາຍງານ ແລະ ບໍລິຫານຈັດການໂຄງການ (30%).
ສ້າງແຜນງົບປະມານປະຈຳປີ, ແຜນການເຮັດວຽກ ແລະ ການລາຍງານ ສຳລັບກິດຈະກຳທັງໝົດໃນແຜນງານ.
ມີການເບິ່ງຊ່ວຍງົບປະມານປະຈຳເດືອນຂອງພະນັກງານ ແລະ ແຜນວຽກໃນການດຳເນີນກິດຈະກຳທັງໝົດຂອງທຸກພະແນກ.
ຮັບປະກັນວ່າເຂົ້າໃຈ ແລະ ປະຕິບັດຕາມກອບບັນທຶກວຽກໃນໂຄງການຮ່ວມມືທັງໝົດ.
ຊ່ວຍຜູ້ປະສານງານໃນການກຳນົດ ແລະ ປະຕິບັດຕາມເປົ້າໝາຍໂຄງການ ແລະ ກຳນົດເວລາທີ່ໄດ້ຕົກລົງກັນ.
ຮັບປະກັນວ່າ ການເຮັດວຽກຕ່າງໆແມ່ນໄປຕາມເງື່ອນໄຂຄວາມຕ້ອງການຂອງຜູ້ໃຫ້ທຶນ.
ການບໍລິຫານຊັບພະຍາກອນມະນຸດ (30%).
ຊ່ວຍຜູ້ປະສານງານພັດທະນາຣັກກີ້ແຂວງໃນການສ້າງແຜນວຽກປະຈຳເດືອນສຳລັບກິດຈະກຳຕ່າງໆ ຂອງ ຈຳປາບານ.
ຮັບປະກັນວ່າ ການເຂົ້າຮ່ວມກິດຈະກຳຈຳປາບານເປັນປະຈຳມີການບັນທຶກຢາງຖືກຕ້ອງ ແລະ ທັນຕາມກຳນົດເວລາ.
ຊ່ວຍຜູ້ປະສານງານພັດທະນາຣັກບີ້ແຂວງໃນການປັບປຸງຂັ້ນຕອນການລົງທະບຽນທີມ ເຊິ່ງລວມມີການມອບວຽກ ແລະ ການນຳໃຊ້ລະຫັດທີມ
ແລະ ນັກກິລາ, ແຈກຢາຍ ແລະ ລວບລວມເຈ້ຍລົງທະບຽນ, ແລະ ກະກຽມໂລໂກ້ຕ່າງໆຂອງທີມ.ນຳພາຜູ້ນຳກຸ່ມຄູຝຶກໃນການຈັດປະຊຸມ ແລະ ລາຍງານໂດຍໃຫ້ສອດຄ່ອງກັບພິທີການ ຂອງ ອົງການຊາຍຟັນ-ພາສອິດແບກ.
ຊ່ວຍຜູ້ປະສານງານພັດທະນາຣັກບີ້ແຂວງໃນການດຳເນີນງານ ແລະ ສ້າງຂັ້ນຕອນການສ້າງທີມ ແລະ ຄູຝຶກຕາມລະດູການ ແລະ ພິທີການ.
ຊ່ວຍຜູ້ປະສານງານພັດທະນາຣັກບີ້ແຂວງໃນການຕິດຕາມ ແລະ ກວດກາການເຮັດວຽກ ຂອງ ຄູຝຶກ.
ຊ່ວຍຜູ້ຈັດການແຂວງໃນການວາງແຜນ, ການດຳເນີນງານ ແລະ ການລາຍງານກອງປະຊຸມຄູຝຶກປະຈຳເດືອນ ເຊິ່ງລວມມີການສົ່ງບົດສອນ.
ຮັບປະກັນການທົບທວນປະສິດຕິພາບ ຂອງ ຄູຝືກ ແລະ ພະນັກງານ ແມ່ນດຳນເນີນພາຍໃຕ້ ແລະ ສອດຄ່ອງກັບນະໂຍບາຍ ແລະ ພິທິການຂອງ ສະຫະພັນກິລາຣັກບີ້ແຫ່ງຊາດລາວ ແລະ ມາດຕະຖານຂອງ ຄູ່ຮ່ວມງານທີ່ກ່ຽວຂ້ອງ.
ການຕິດຕາມແລະປະເມີນຜົນ
ສ້າງຄວາມເຂົ້າໃຈລະອຽດ ກ່ຽວກັບເຄື່ອງມືວັດແທກການປ່ຽນແປງ ຂອງ ຄູ່ຮ່ວມງານ
ຮັບປະກັນວ່າມີການກວດກາຕິດຕາມພີທີການວັດແທກການປ່ຽນແປງທັງໝົດໃນສະຖານທີ່ການປະຕິບັດງານຕ່າງໆ ເຊິ່ງລວມມີການສຳພາດ, ເລື່ອງລາວການປ່ຽນແປງທີ່ພົ້ນເດັ່ນ ແລະ ກໍລະນີ ສຶກສາຕ່າງໆ.
ຊ່ວຍຜູ້ປະສານງານແຂວງ ແລະ ຜູ້ນຳກຸ່ມຄູຝຶກໃນການປັບປຸງຄຸນນະພາບໃນການເກັບ ແລະ ລວບລວມຂໍ້ມູນ ແລະ ຕອບສະໜອງຂໍ້ມູນໃຫ້ທັນຕາມເວລາທີ່ກຳນົດໄວ້.
ຊ່ວຍທີ່ປຶກສາ ທີ່ຮັບຜິດຊອບເອົາຂໍ້ມູນປ້ອນເຂົ້າລະບົບໃຫ້ເຂົ້າໃຈໃນການອັບເດດຂໍ້ມູນໃນລະບົບເຊລສ໌ຟອຊ ແລະ ສິ່ງຈຳເປັນອື່ນໆ ແລະ ປັບປຸງຄຸນນະພາບ ຂອງ ຂໍ້ມູນທີ່ປ້ອນເຂົ້າລະບົບ.
ຊ່ວຍຜູ້ປະສານງານແຂວງໃນການວາງແຜນ ແລະ ຂຽນເລື່ອງລາວຄູຝຶກປະຈຳເດືອນ, ເລື່ອງລາວການປ່ຽນແປງທີ່ ພົ້ນເດັ່ນທີ່ສຸດ ແລະ ກໍລະນີສຶກສາຕ່າງໆ.
ຕິດຕາມ ແລະ ບັນທຶກການປ່ຽນແປງໃນເຄື່ອງມືວັດແທກການປ່ຽນແປງ ເພື່ອຮັບປະກັນວ່າແຫຼ່ງຂໍ້ມູນທີ່ເປັນພາສາ ລາວ ແມ່ນຖືກຕ້ອງກັບຈຸດປະສົງ ແລະ ແທດເໝາະ ກັບ ຄວາມຕ້ອງການ ຂອງ ພາກພື້ນ.
ການລາຍງານ
ເຮັດບົດລາຍງານປະເດືອນສົ່ງໃຫ້ອຳນວຍການຝ່າຍປະຕິບັດງານ ແລະ ການເງິນ ແລະ ຄູ່ຮ່ວມງານຕ່າງໆທັນຕາມກຳນົດເວລາ ແລະ ຖືກຕ້ອງຕາມທີ່ລະບຸໄວ້ໃນສັນຍາ.
ມີການຕິດຕາມຜົນໄດ້ຮັບ ແລະ ການລາຍງານ
ຂຽນບົດລາຍງານປະຈຳໄຕມາດ ແລະ ບົດລາຍງານປະຈຳປີໃຫ້ຜູ້ທຶນ ເຊິ່ງເນື້ອຫາໃນບົດລາຍງານປະກອບມີ: ການລາຍງານການປະຕິບັດວຽກໂຄງການ, ການນຳໃຊ້ເງິນ ແລະ ຜົນໄດ້ຮັບ ຂອງ ວຽກ.
ຊ່ວຍໃນການເຮັດບົດລາຍງານປະຈຳໄຕມາດ ເພື່ອສົ່ງໃຫ້ຄະນະຜູ້ບໍລິຫານ
ຕອບສະໜອງບົດລາຍງານອື່ນໆ ຖ້າມີການຮ້ອງຂໍຈາກພາກລັດ, ຄູ່ຮ່ວມງານ ຫຼື ຜູ້ໃຫ້ທຶນ.
ປະສົບການ/ທັກສະທີ່ຕ້ອງການ
ຜູ້ສະໝັກງານຄວນມີເງື່ອນໄຂດັ່ງນີ້:
ມີປະສົບການທີ່ກ່ຽວຂ້ອງກັບການບໍລິຫານໂຄງການ, ວຽກງານກິລາ ແລະ/ຫຼື ວຽກງານການພັດທະນາ.
ມີປະສົບການເຮັດວຽກກັບຊຸມຊົນ ແລະ ມີຄວາມຮູ້ກ່ຽວກັບການຮຽນຮູ້ດ້ານສັງຄົມ ແລະ
ມີຄວາມສາມາດໃນການເວົ້າ ແລະ ຂຽນພາສາລາວໃນລະດັບດີ.
ມີຄວາມຊຳນານໃນການເວົ້າ ແລະ ຂຽນພາສາອັງກິດໃນລະດັບດີ.
ມີຄວາມຊຳນານ ແລະ ມີປະສົບການໃນການດູແລ ແລະ ບໍລິຫານການພັດທະນາພະນັກງານ.
ມີປະສົບການເຮັດວຽກກັບເດັກນ້ອຍ, ໄວໜຸ່ມ ແລະ ຊົນເຜົ່າກຸ່ມນ້ອຍ.
ມີທັກສະການສື່ສານດ້ວຍວາຈາໃນລະດັບດີ.
ມີທັກສະການນຳໃຊ້ຄອມພິວເຕີໃນລະດັບດີ.
ພັນທະສັນຍາທີ່ຈຳເປັນ
ນອກຈາກ, ປະສົບການ ແລະ ທັກສະທີ່ຕ້ອງການ ແລະ ລະບຸໄວ້ຂ້າງເທິງ, ໜ້າທີ່ຮັບຜິດຊອບໃນຕຳແໜ່ງນີ້ ັແມ່ນຍັງຮຽກຮ້ອງໃຫ້ມີການສະໜັບສະໜູນ ພັນທະສັນຍາ ຂອງ ສະຫະພັນກິລາຣັກບີ້ແຫ່ງຊ່າດລາວ ໃນການປົກປ້ອງເດັກນ້ອຍ ແລະ ໄວໜຸ່ມທີ່ເຂົ້າຮ່ວມໃນທຸກໆກິດຈະກຳກິລາ. ເນື່ອງຈາກຕຳແໜ່ງນີ້ ແມ່ນຈະໄດ້ເຮັດວຽກ ກັບ ໄວໜຸ່ມເລື້ອຍໆ, ຜູ້ສະໝັກທີ່ໄດ້ຜ່ານການຄັດເລືອກ ແລະ ສະມາຊິກທຸກຄົນໃນທີມຈະຕ້ອງໄດ້ເຊັນຮັບຮູ້ ແລະ ປະຕິບັດຕາມລະບຽບດັ່ງລຸ່ມນີ້:
ເດັກນ້ອຍ ແລະ ໄວໜຸ່ມທຸກຄົນ ຄວນໄດ້ຮັບການສົ່ງເສີມໃນການພັດທະນາຂີດຄວາມອາດສາມາດ ແລະ ຄວາມບໍ່ເທົ່າທຽມກັນທີ່ເປັນບັນຫາ ຄວນຖືກລົບລ້າງໄປ.
ເດັກນ້ອຍ ແລະ ໄວໜຸ່ມທຸກຄົນມີສິດເທົ່າທຽມກັນໄດ້ຮັບການດູແລ ແລະ ປົກປ້ອງຈາກໄພອັນຕະລາຍຕ່າງໆ.
ອົງກອນຕ່າງໆ ທີ່ຂ້ອງກັບກິລາ ມີໜ້າທີ່ຮັບຜິດຊອບໃນການດູແລເດັກນ້ອຍ ແລະ ໄວໜຸ່ມທີ່ເຂົ້າຮ່ວມຫຼີ້ນກິລາ.
ຕຳແໜ່ງນີ້ ແມ່ນຈະໃຫ້ມີການເຊັນກົດລະບຽບທີ່ຕ້ອງປະຕິບັດ ຂອງ ສະຫະພັນກິລາຣັກບີ້ແຫ່ງຊາດລາວ, ມີການກວດສອບຊີວະປະຫວັດ ແລະ ຂໍ້ມູນຈາກຜູ້ອ້າງອີງ.
ເງື່ອນໄຂການເຮັດວຽກ
ບ່ອນເຮັດວຽກປະຈຳການແມ່ນຢູ່ນະຄອນຫຼວງວຽງຈັນ, ເຮັດວຽກເຕັມເວລາ. ຫ້ອງການແມ່ນເລີ່ມເຮັດວຽກແຕ່ 8:00 – 16:30, ອາດມີການຮຽກຮ້ອງໃຫ້ເຮັດໃນຊ່ວງແລງ ແລະ ວັນພັກເສົາ-ທິດຕາມຄວາມຮຽກຮ້ອງຕ້ອງການຂອງວຽກ, ໂດຍບໍ່ມີການທົດແທນຄືນເປັນເງິນເພີ່ມ ແຕ່ຈະທົດແທນຄືນເປັນວັນພັກແທນ.
ເງື່ອນໄຂ ຂອງ ຜູ້ສະໝັກ
ຜູ້ສົນໃຈສະໝັກຕຳແໜ່ງນີ້ ຈະຕ້ອງປະກອບເອກະສານການສະໝັກງານດັ່ງໄປນີ້:
ຈົດໝາຍສະໝັກງານທີ່ບອກເລົ່າເຖິງແຮງບັນດານໃຈ ແລະ ຄຸນສົມບັດ ຂອງ ທ່ານທີ່ເໝາະສົມກັບຕຳແໜ່ງນີ້ພ້ອມທັງບອກຈຳນວນເງີນເດືອນທີ່ຄາດຫວັງໄວ້ຕໍ່ເດືອນ.
ຊີວະປະຫວັດ.
ຂໍ້ມູນຕິດຕໍ່ ຂອງ ຜູ້ອ້າງອີງຢ່າງໜ້ອຍ 2 ທ່ານ.
ສຳລັບຜູ້ທີ່ສົນໃຈສະໝັກໃນຕຳແໜ່ງນີ້: ແມ່ນໃຫ້ສົ່ງໃບສະໝັກງານ ແລະ ເອກະສານອື່ນໆທີ່ລະບຸເຂົ້າອີເມວ info@laorugby.com ບໍ່ໃຫ້ກາຍເວລາ 17:00 ຂອງວັນທີ 15/7/2020. ມີພຽງຜູ້ທີ່ຜ່ານການຄັດເລືອກເງື່ອນໄຂເທົ່ານັ້ນທີ່ຈະໄດ້ຮັບການຕິດຕໍ່ກັບໄປ.