ພິທີຖະແຫລ່ງຂາວການແຂ່ງຂັນຣັກບີ້ນານາຊາດ ລາຍການ Asia Rugby U20 Sevens ທີ່ນະຄອນຫລວງວຽງຈັນ

ວັນທີ 22 ສິງຫາ 2019, ພາຍໃນທ້າຍອາທິດນີ້, ສະຫະພັນກິລາຮັກບີ້ແຫ່ງຊາດ ໄດ້ຮັບກຽດເປັນເຈົ້າພາບຈັດາກນແຂ່ງຂັນລະດັບອາຊີ ລາຍການ Asia Rugby U20 Sevens (ລຸ້ນອາຍຸບໍ່ເກີນ20) ປະເພດຫລີ້ນ 7 ຄົນ, ທັງຊາຍ ແລະ ຍິງ ເຊິ່ງຈະມີການຊິງໄຊກັນທີ່ສະຫນາມກິລາເຈົ້າອານຸວົງ ລວມມີທັງຫມົດ 13 ທີມທີ່ມາຈາກ 9 ປະເທດ ຄື:

ໃຕ້ຫວັນ, ຮົງກົງ, ອິນເດຍ, ມາເລເຊຍ, ລາວ, ໄທ, ສິງກະໂປ,ເກົາຫລີໃຕ້ ແລະ ອຸສເບກິດສະຖານ.

ໃນນາມຂອງສະຫະພັນຣັກບີ້ແຫ່ງຊາດ ແມ່ນຮູ້ສຶກເປັນກຽດທີ່ຢ່າງຫຍິ່ງທີ່ທາງສະຫະພັນຣັກບີ້ອາຊີມີຄວາມໄວ້ວາງໃຈເລືອກປະເທດລາວໃຫ້ເປັນເຈົ້າພາບຈັດການແຂ່ງຂັນຄັ້ງນີ້. ພິເສດແມ່ນປີນີ້ຄືປີຫຍີ່ງໃຫຍ່ຂອງທະວີອາຊີທີ່ໄດ້ຮັບຈັດຣັກບີ້ໂລກເປັນຄັ້ງທຳອິດ ທີ່ປະເທດຍິ່ປຸ່ນ, ໄລຍະຜ່ານມາກິລາຣັກບີ້ແມ່ນໄດ້ຮັບຄວາມນິຍົມຫລາຍຂື້ນ ໂດຍສະເພາະໃນລາວ ແລະ ພາຍໃນຂົງເຂດພາກພື້ນດຽວກັນ. ມີນ້ອງນັກຮຽນ ແລະ ປະຊາຊົນທົ່ວໄປ ໄດ້ລົງທະບຽນເຂົ້າຮ່ວມການຫລີ້ນກິລາຣັກບີ້ພາຍໃນລາວຫລາຍກວ່າ 3,000 ຄົນ. ເຫດຜົນສຳຄັນທີ່ເຮັດໃຫ້ຣັກບີ້ໃນລາວໄດ້ຮັບການຂະຫຍາຍຕົວໄວແມ່ນ ບົດບາດຂອງສະຫະພັນທີ່ໄດ້ວາງແຜນຍຸດທະສາດຮ່ວມກັບໂຄງການ ChildFund Pass It Back ໃນການສ້າງ ແລະ ນຳໃຊ້ຄູ່ມືຫລັກສູດການຫລີ້ນຣັກບີ້ໃຫ້ກັບໄວຫນຸ່ມທົ່ວປະະເທດລາວ ທີ່ມີອາຍຸລະຫວ່າງ 11 ຫາ 16 ປີ. 

 ທ່ານ Chris Mastaglio ຜູ້ອຳນວຍການໂຄງການ ChildFund Pass It Back ໄດ້ໃຫ້ຄຳເຫັນວ່າ: ອົງການ ChildFund ຜ່ານການດຳເນີນງານໂຄງການ ChildFund Pass It Back, ໂຄງການດັ່ງກ່າວພວກຂ້າພະເຈົ້າແມ່ນມີຄວາມພາກພູມໃຈຫລາຍທີ່ໄດ້ຮ່ວມກັບສະຫະພັນກິລາຣັກບີ້ແຫ່ງຊາດ ເພື່ອຈັດການແຂ່ງຂັນລາຍການ Asia Rugby Under 20 Sevens Series ຄັ້ງນີ້. ຄວາມພາກພູມໃຈຄືການໄດ້ເຫັນຫມາກຜົນຂອງໂຄງການທີ່ໄດ້ເປັນຂົ້ວຕໍ່ໃຫ້ກັບນັກກິລາຫນຸ່ມນ້ອຍພາຍໃນໂຄງການ ສາມາດພັດທະນາການຫລີ້ນໄປສູ່ການເປັນນັກກິລາທີມຊາດໃນອານາຄົດ ໂດຍນັກກິລາຊຸດທີ່ຈະຫລີ້ນໃນການແຂ່ງຂັນຄັ້ງນີ້ກໍ່ເປັນຫສ່ວນຫນຶ່ງທີ່ໄດ້ເລິ່ມຈາກການຫລີ້ນຂັ້ນພື້ນຖານກັບທາງໂຄງການ. 

ຫລັກສູດຂອງ ChildFund Pass It Back ແມ່ນຫລັກສູດທີ່ສ້າງຂຶ້ນໂດຍຢຶດເອົາການໃຊ້ກິລາຣັກບີ້ເປັນເຄື່ອງມືໃຊ້ໃນການພັດທະນາທັກສະຂອງໄວຫນຸ່ມ, ໂດຍການປະສົມປະສານການສອນທັກສະກິລາຣັກບີ້ ແລະ ທັກສະຊີວິດ ເຂົ້ານຳກັນ. ພາຍໃນຫລັກສູດຈະມີການສອນຄື:ທັກສະຣັກບີ້, ສິດທິເທົ່າທຽມທາງເພດ, ການວາງແຜນອານາຄົດ, ການມີສຸຂະພາບທີ່ດີ, ການປ້ອງກັນຄວາມຮຸນແຮງ, ຄວາມເຂົ້າໃຈຕໍ່ກັບວຽກງານຫລຸດຜ່ອນຄວາມສ່ຽງ ແລະ ການສ້າງພາວະຄວາມເປັນຜູ້ນຳ. ນັກກິລາສ່ວນໃຫຍ່ທີ່ໄດ້ທີມຊາດຊຸດປະຈຸບັນສ່ວນຫລາຍຄືນັກກິລາທີ່ໄດ້ເຂົ້າຮ່ວມກິດຈະກຳຂອງສະຫະພັນ ທີ່ມີຊື່ເອີ້ນວ່າ ຈຳປາບານຣັກບີ້ (ເປັນກິດຈະກຳທີ່ນຳໃຊ້ຫລັກສູດ ແລະ ການສະຫນັບສະຫນູນຈາກ ChildFund Pass it Back) ພວກເຂົາແມ່ນເຫລົ່ານີ້ແມ່ນເລິ່ມຈາກການຫລີ້ນຂັ້ນພື້ນຖານຄືການຫລີ້ນ ແທັກຮັກບີ້ ຈົນສາມາດພັດທະນາປ່ຽນມາຫລີ້ນຣັກບີ້ ປະເພດປະທະ ສາສາມາດເປັນຕົວເລືອກໃຫ້ກັບສະໂມສອນຕ່າງໆ ແລະ ກາຍເປັນທີມຊາດໃນປັດຈຸບັນ.

ທ່ານ Mastaglio ຍັງກ່າວຕື່ມອີກວ່າ: ພວກເຮົາມີຄວາມພາກພູມໃຈທີ່ໄດ້ເຫັນພວກເຂົາທັງຫລາຍສາມາດເຂົ້າຮ່ວມການແຂ່ງຂັນໃນລະດັບນີ້ ໂດຍສະເພາະຜູ້ເຂົ້າຮ່ວມໂຄງການເຮົາມີຄວາມສາມາດ,ບໍວ່າຈະເປັນການບໍລິຫານຈັດການການແຂ່ງຂັນ, ການເປັນສ່ວນຫນຶ່ງຂອງແພດສະຫນາມ ທັງຫມົດແມ່ນໄດ້ຜ່ານການອົບຮົມຈາກໂຄງການ ChildFund Pass It Back. ການແຂ່ງຂັນຣັກບີ້ໂລກປີນີ້ ໂດຍການເປັນເຈົ້າພາບຂອງປະເທດຍີ່ປຸ່ນ ທາງໂຄງການເປັນໄດ້ເປັນສ່ວນຫນຶ່ງຂອງການແຂ່ງຂັນ ພວກເຮົາຍິນດີທີ່ໄດ້ທີ່ຈະສະຫນັບສະຫນູນການຈັດການແຂ່ງຂັນໃນລາວຄັ້ງນີີ້, ແລະ ພວກເຮົາຂໍອວຍໄຊໃຫ້ທຸກໆຈົ່ງໂຊກດີກັບການແຂ່ງຂັນ.

ຈາກການຮອງຮັບຂອງສະຫະພັນຮັກບີ້ອາຊີ, ສະຫະພັນຣັກບີ້ແຫ່ງຊາດລາວແມ່ນມີຄວາມພາກພູມໃຈເປັນຢ່າງຍິ່ງທີ່ໄດ້ເປັນຫນຶ່ງໃນສະມາຊິກສົມບູນຂອງສະຫະພັນຣັກບີ້ອາຊີຕ້ັງແຕ່ປີ 2004 ເປັນຕົ້ນມາ. ການແຂ່ງຂັນ Asia Rugby U20 Sevens ແມ່ນເປັນຫນຶ່ງໃນລະດູການຂອງການແຂ່ງຂັນຣັກບີ້ປະເພດຫລີ້ນ 7 ຄົນໃນທະວີບອາຊີ, ໂດຍຈັດຕາມລຸ້ນອາຍຸຕ່າງໆ ຈົນເຖິງລຸ້ນທົ່ວໄປ, ເຊິ່ງກ່ອນຈະມາເຖິງລາຍການນີ້ນັ້ນກໍ່ແມ່ນລາຍການ Asia Rugby Sevens Trophy (ARST) ທີ່ຫາກໍ່ຈັດໃນລະຫວ່າງວັນທີ 10 ຫາ 11 ເດືອນ ສິງຫາ ທີ່ຜ່ານ ທີ່ນະຄອນຫລວງ ຈັກກາຕ້າ ປະເທດແິນໂດເນເຊຍ. ທີມລາວເອງກໍ່ໄດ້ມີໂອກາດເຂົ້າຮ່ວມການແຂ່ງຂັນດັ້ງກ່າວ, ເຊິ່ງໄດ້ພົບກັບທີມທີ່ແຂງແກ່ນຫລາຍທີມທົ່ວອາຊີ. ຜົນການແຂ່ງຂັນແມ່ນທີມຍິງລາວແມ່ນຈົບຢູ່ທີ່ທີ 6 ສ່ວນທີມຊາຍແມ່ນຈົບທີ່ອັນດັບທີ 8. ໄຊຊະນະທີ່ສຳຄັນແມ່ນທີມຍິງລາວ ສາມາດຍາດໄດ້ໄຊຊະນະຈາກ ປະເທດ ກາຕ້າ ດ້ວຍຄະນະ 19 ຕໍ່ 0.  

ພາຍໃນຊ່ວງຂອງການແຂ່ງຂັນທາງສະຫະພັນຍັງຈະໄດ້ມີການເຮັດສຳພາດກັບຫົວຫນ້າທີມຂອງແຕ່ລະປະເທດ, ເພື່ອໃຫ້ສື່ ແລະ ນັກຂ່າວທຸກສຳນັກສາມາດມີໂອກາດສຳພາດ ແລະ ເຫັບຂໍ້ມູນກັບທີມຕ່າງໆ ໂດຍການສຳພາດແມ່ນຈະຈັດຂຶ້ນທີ່ ສະຫນາມເຈົ້າອານຸວົງ ວັນທີ 23 ສິງຫາ ເວລາ 17 ໂມງ 00.

ການແຂ່ງຂັນຄູ່ທຳອິດພາຍໃນການ Asia Rugby U20 Sevens ແມ່ນຈະເລິ່ມເວລາ 12 ໂມງ 30 ຂອງວັນເສົາ ທີ 24 ສິງຫາ. ຮອບຮອງຊະນະເລີດແມ່ນຈະເລິ່ມເວລາ 13 ໂມງ 00, ຕໍ່ດ້ວຍຮອບຊິງຊະນະເລີດເວລາ 15 ໂມງ 00 ແລະ ພິທີມອບຂັນລາງວັນແມ່ນເວລາ 17 ໂມງ 30 ທັງຫມົດນີ້ແມ່ນຈະດຳເນີນໃນວັນອາທິດ ທີ 25 ສິງຫາ. ເຂົ້າຊົມຟຣີບໍເສຍຄ່າຜ່ານປະຕູ ແລະ ຂໍຮຽນເຊີນທຸກທ່ານທີ່ສົນໃຈເຂົ້າຊົມການແຂ່ງຂັນເພື່ອເຊຍນັກກິລລາວເຮົາລຸ້ນອາຍຸບໍເກີນ 20 ປີໄດ້ ຕາມວັນ ແລະ ເວລາທີ່ດຳນົດ.

ທາງສະຫະພັນຣັກບີ້ແຫ່ງຊາດລາວຂໍສະແດງຄວາມຂອບໃຈມາຍັງທາງສະຫະພັນຣັກບີ້ອາຊີ,ບໍລິສັດ Asian Flair,ບໍລິສັດ Rhino, ແລະ ໂຄງການ ChildFund Pass It Back, ຄູ່ຮວມງານດ້ານການລະດົມທຶນ ສະຫະພັນຣັກບີ້ໂລກ ທີ່ປະເທດຍິ່ປຸ່ນ ແລະ ຄູ່ຮ່ວມງານສະຫະພັນຣັກບີ້ແຫ່ງຊາດລາວທີ່ໄດ້ໃຫ້ການອຸປະຖຳກິລາຣັກບີ້ໃນລາວ. ຂໍຂອບໃຈມາຍັງທາງ Australian Aid ແລະ ອົງການຊາຍຟັນ ອົດສະຕາລີ ທີ່ໄດ້ໃນການຊ່ວຍເຫລືອກິດຈະກຳຣັກບີຂອງໄວຫນຸ່ມໃນລາວ. ສຸດທ້າຍນີ້, ຂໍຂອບໃຈທາງຍັງຜູ້ມຫ້ການອຸປະຖຳຫລັກກິດຈະກຳ ຈຳປາບານຣັກບີ້ ນັ້ນກໍຄື ໂຄງການ ChildFund Pass It Back, ຜູ້ສະຫນັບສະຫນຸນກິລາຣັກບີ້ໄວຫນຸ່ມເຊັ່ນ: ບໍລິສັດທີ່ປຶກສາກົດຫມາຍ DFDL Legal & Tax,ສະໂມສອນ Pot Bellied Pigs RFC, Cairnhill Structures, ບໍລິສັດ DHL Express,ບໍລິສັດ RedBox Storage,ໂຮງຮຽນ Kennedy School of Hong Kong, Segantii, ແລະ ບໍລິສັດ DAC Management LLC ທີ່ໄດ້ສືບຕໍ່ໃຫ້ການສະຫນັບສະຫນູນຣັກບີ້ໃນລາວຕະຫລອດມາ.

 

Screen Shot 2019-08-22 at 10.34.35 AM.png
Screen Shot 2019-08-22 at 10.35.46 AM.png

 

NOTES TO THE EDITOR:

About the Lao Rugby Federation

The Lao Rugby Federation (LRF) was formed in 2001. Since then, the LRF has gone on to gain full membership of Asian Rugby, associate member status of World Rugby and most importantly, registration with the Elite Sports Department of the Lao Ministry of Education and Sport (MoES).

The LRF is the governing body for all rugby activities within the Lao PDR. LRF activities are focused on developing the sport through a school and community development programme, supporting domestic and elite teams to improve and developing a sound structure to provide transparent and accountable financial and administrative support to the sport.

The LRF mission is: To provide opportunities for men and women, boys and girls, social and elite players and those in urban and rural areas to participate in the sport of rugby, whilst ensuring that health benefits and personal development opportunities are realised to their fullest extent.

The LRF understands that this can only be achieved by ensuring that we have the necessary capacities to deliver high quality playing and participation opportunities; this involves engagement with the government, communities, businesses, schools and other institutions to provide sustainable access to participation (playing and non-playing) opportunities.

For more information, please contact:

Pisa Vongdeuanpheng (Lao) or Ariel Pueyo (English)

Phone: +856 21 315 795

Email: info@laorugby.com

Website: www.laorugby.com

 

Editors: Images are available upon request.